Kafedra tibbiy ta’lim, ilmiy tadqiqot va klinik amaliyotni birlashtiradi. Kafedra mudiri — tibbiyot fanlari doktori, professor Ravshanbek Babajonovich Abdullayev.
Jamoa tarkibida professorlar, dotsentlar, katta o‘qituvchilar va assistentlar faoliyat yuritadi. Talabalarga nazariy bilim berish bilan birga klinik fikrlash, kasbiy mas’uliyat va bemorga e’tiborli munosabatni shakllantirishga ahamiyat qaratiladi.
Kafedraning ilmiy maktabida ustoz va shogird an’anasi alohida o‘rin tutadi. Yosh tadqiqotchilar ilmiy ishlar, dissertatsiyalar, fan olimpiadalari va innovatsion loyihalarda ustozlar rahbarligida qatnashadi.
Kafedra shiori: «Per scientiam, compassionem et patientiam ad sanitatem!» — «Ilm, mehr va sabr-toqat orqali sog‘liqqa!»